I
كنز العمر فيرُوزْ
والعيد والقُونِهْ:
لا تجرحُوا الكنُوزْ
بكلمات مجنُونِهْ...
II
متل الورد والفلّ
بالبال مزروُعَهْ؛
والصبح لمّا يطلّ
كرمالها بيُوعى...
III
عا صوتها ربينا
ودار الزمن فينا..
ويا ساكِن العالي
وينُنْ أهالينا؟
IV
هيّي سفيرتنا
هيّي خميرتنا،
هيّي الوطَن والتاج،
هيّي رئيستنا!
V
وقالوا: حسَن صبرا
مفلّت حكي عليها!
روحُوا امسحُوا الغبرَهْ
عن كعب إجرَيْها!
ليست هناك تعليقات:
إرسال تعليق