مرت على قلبي
مرت على قلبي السنين حاضن الهنا
مرت على قلبي السنين حاضن الهنا
ورضيت فراق أمي الحنون بس انحنى
قلبي وفين بسمة سعادة قربها
مالي سواك يا رب في همي أنا
الحب كاس يروي حياة كل القلوب
والبغض صاحب للمساوئ والعيوب
واللي يعيش لله هيعرف فين يكون
حاول تكون واخلص ضميرك له وتوب
فاكر زمان أيام ما كنش لك وجع
تجري وتضحك وانت مين مثلك جدع
مر الزمان وانت يعيني عليك بقيت
دمعه بتجري ع. الخدود من غير جزع
**
قالوا القمر
قالوا القمر عمال بيبكي من سنه
نزلت دموعه عللي بيشاركه المنى
قال له البعاد فرق ما بنا وليه بقى
تفضل دموعنا ف. كلمه حلوه ودندنه
كان لي زمان أب مشفتش له مثيل
طيب حنين عشت في ظله الظليل
مرتاح كأنه صديق وأخ وطيف جميل
من يوم ما راح جرحي ف. نفسي ملوش عويل
يا ريت يا خالي البال تقولي منين يكون
العمر عدى ولسه بكره بقول يهون
كل الكؤوس بتدور وكاسي رضيت ما فيه
يا رب حمدا لك ووصلك خير عون
**
وردة اشتكت
وردة اشتكت في الصبح لسه الخير مجاش
نزل المطر بالخير عليها ماهمهاش
رزقك وعمرك دول أمانة ف. إيد كريم
إزاي هيمنع وانت عمرك منتهاش
الناي بيعزف حلم غالي ميتعزفش
إلا لناس من يوم ما راحت مرجعتش
طب خلي لحنك للي يسمعلك بجد
واياك تباهي بغنوتك في حفل طرش
تايه ومن بعد ما شاف بيته رقص
عد الفلوس بس التقى خيرها نقص
قال ياترى أرهن مكان فيه اتولدت
ولا اشتكي وافضل ما بين هم ومغص
ياريت ياطير لما تطير خدني معاك
ضاق المكان والعمر رايح للهلاك
صابرسنيني والوجع عمره ما راح
وانا من بشر عمري ما كنت ف. يوم ملاك
**
قالوا القمر
قالوا القمر عمال بيبكي من سنه
نزلت دموعه عللي بيشاركه المنى
قال له البعاد فرق ما بنا وليه بقى
تفضل دموعنا ف. كلمه حلوه ودندنه
كان لي زمان أب مشفتش له مثيل
طيب حنين عشت في ظله الظليل
مرتاح كأنه صديق وأخ وطيف جميل
من يوم ما راح جرحي ف. نفسي ملوش عويل
يا ريت يا خالي البال تقولي منين يكون
العمر عدى ولسه بكره بقول يهون
كل الكؤوس بتدور وكاسي رضيت ما فيه
يا رب حمدا لك ووصلك خير عون
**
وردة اشتكت
وردة اشتكت في الصبح لسه الخير مجاش
نزل المطر بالخير عليها ماهمهاش
رزقك وعمرك دول أمانة ف. إيد كريم
إزاي هيمنع وانت عمرك منتهاش
الناي بيعزف حلم غالي ميتعزفش
إلا لناس من يوم ما راحت مرجعتش
طب خلي لحنك للي يسمعلك بجد
واياك تباهي بغنوتك في حفل طرش
تايه ومن بعد ما شاف بيته رقص
عد الفلوس بس التقى خيرها نقص
قال ياترى أرهن مكان فيه اتولدت
ولا اشتكي وافضل ما بين هم ومغص
ياريت ياطير لما تطير خدني معاك
ضاق المكان والعمر رايح للهلاك
صابرسنيني والوجع عمره ما راح
وانا من بشر عمري ما كنت ف. يوم ملاك
**
ليست هناك تعليقات:
إرسال تعليق