يا ريت لو بنساك يا غالي
كانت العيشه كتير احلالي
عيشتي؟ همّ وألم ودْمـوع
وانت ما بتشفق على حالي
صَلَّيْت تا منّي ضِجِر يسوع
وبالعين خَلَّص كل رسمالي
بنام عا نَهْده وقلب مَوجوع
بوعى وحنيني واقف قبالي
الروح دابت والقلب موجوع
وجنون حبّي متَيْهر خْيالي
وانت لا مْبيّن ولا مسموع
قلبَك قِسي.. صاير قلب آلي
وما دام مش باقي اَمَل برْجوع
وبجروح قلبي مش عَـم تبالي
يارب ساعد ينتهي الموضوع
شيل الجَرَحني وفَلّ من بالي
مال الهوى ومصايبو ومالي
ليست هناك تعليقات:
إرسال تعليق