عفوَك يا قلبي/ روميو عويس

انكَنّو الندم بيفيد يا قلبي

عَفْوَك،.. انا تعَّبتك بدربي

تعَّبْتَك بحظي وطلع مسكين

وعذَّبْتَك.. وبكَّيْتَك، بحُبّي

ولمّا الألم ما عاد قلبو يْلين

عْرَضْتَك.. وعملو مؤتمر طبّي

وحَكْمو وقالو:علاجك السّكين

ولّا بتبقى حالتك صعبه

يا عايشه بهالقلب غمر سنين

وجَع قلبي.. زنبك وزنبي

ما كان عندك عاطفه ولا دين

وكنتي حياتي وجَنّتي و رَبّي

فيك تحمل بَعد يا مسكين؟

جْروح حَد جروح ملتهبه؟

انت و انا ، تنيناتنا مْجانين

عشنا بغربه.. والهنا بغربه
**
عتابا
قوليلي بالتجافي مين عداكي 
من الاصحاب ولّا من عِداكي 
انعطوني الكون كلّو من عداكي
ما برضى الكون من دون الحباب