يا عمر.. لو بتردني لسنين
قلبي سكَن فيها وما دَشَرها
ودَّعت ارضي وكنت بالعشرين
وبقيِت.. ما بدّا الروح تهجرها
بَعدك ببالي حلم يا رشعين
عصفور عايش بِ بيادرها
يتنقَّل بطرقات لبساتين
ليبقى عَدَن للعَين منظرها
كل القلام بعلبة التلوين
الله استعملهُن تا صَوَّرها
لنبعها للعَين.. لطواحين
كان الهوا يغَنّي بقناطرها
لزيتونها.. كروم العنب والتين
لكان " بو محمود " ينطرها
لكنايسا.. للحور للشربين
لناس كان الود مَعشَرها
عاشو القناعه ملوك وسلاطين
من الزرع ومواسم حرايرها
يا عمر قَفَّز عَـتبة السبعين
بغربه ما كان القلب يغمرها
بإيد الكهوله بـشدّ عالسكين
وبدمعتي.. روحي بصَبّرها
ليست هناك تعليقات:
إرسال تعليق