الى صديق الكل وحبيبهم المحسن الكبير المرحوم ايلي حديد بمناسبة مرور عامين على وفاته
سنتين صارو.. بالجسد فلَّيت !..
لكن.. ما قدر الموت ياخد روح
بقيِت محل العشت.. او حلَّيت
بضيعتك.. بالمنطقه.. بالبيت
بقلب اللي لقمه بتمهُن حطَّيت
باقي عطر بخوّر.. ما بيروح
الذكر الحلو متل العطر بيفوح
سراج العطا ما بينضب من الزيت
**
في الصورة يبدو عمي المرحوم حليم عويس باللباس العربي الاسود - مختار رشعين - ل 30 سنة والى جانبه المرحوم جوزيف الياس الذي اصبح هو ايضا مختارا فيما بعد رحمهما الله ورحم جميع امواتكم ولعمي الحبيب اكتب:
مختار
وكتار.. بعد بيذكرو المختار
الما زَعَّل بعمرو حدا
وبيتو الوضيع مضاف للزوّار
ومفتوح بابو عالمدى
ولولا الغدا بيضه وزرّ خيار
يعزم العالم ع الغدا
وركوة القهوه تضَلّها ع النار
ومين عم يستفقدا
وع سفرتو الكاسات يبقو كتار
حد القناني توجدا
الناس عن صدقك بيروو خبار
وسيرتك بترددا
الناس المتل قلبك يا عمي كبار
عم يتركو اجمل صدى
**
**
قطعنا الامل
الشمس لو شرقت ما كنا بعاد
عمر صرلو.. العمر ناطرها
بلاد التركتو صار غير بلاد
الكان الفجر.. باسم ينَوّرها
وشَمسا على الفلاح والصيّاد
وع سهول بركه وخير بيدرها
ع شطوط كانو اهلها روّاد
وحدود جَيشا كان..عسكَرها
هجَرنا.. وجَر سواد بعدو سواد
ليل من دون بدر.. غامرها !.
والعمر؟ صار بآخر الميعاد
وبَعدا بلادي بقبضة الجلاّد
ويوضاس قابض عملة الاسياد
والجلجلة !.. ما بان آخرها
**
مختار
وكتار.. بعد بيذكرو المختار
الما زَعَّل بعمرو حدا
وبيتو الوضيع مضاف للزوّار
ومفتوح بابو عالمدى
ولولا الغدا بيضه وزرّ خيار
يعزم العالم ع الغدا
وركوة القهوه تضَلّها ع النار
ومين عم يستفقدا
وع سفرتو الكاسات يبقو كتار
حد القناني توجدا
الناس عن صدقك بيروو خبار
وسيرتك بترددا
الناس المتل قلبك يا عمي كبار
عم يتركو اجمل صدى
**
ليست هناك تعليقات:
إرسال تعليق