1
لا تسوق سياره اذا سـكـران
بتاخد جزا..عا قيمة السكره
بتقتل حَدا.. بتفوت بالحيطان
بتسرَع؟ بتاكل ضبط عالنمره
2
لكن انا؟ سكران مش شـربان
نقطه..ولا داقت شفّتي خمره
من شفاف لونا بيشبه المرجان
معطَّره.. متل الورد حـمـره
3
لا تسأليني ليش كنت حيران
ممكن تطَوِّل سكرتي لبكرا
سكرتي؟ من لحظك الفـتّـان
وشَردتي؟ عم بحلَم بـغَـمـره
ومجبور سوق برجعتي وخيفان
شرب الخمر ارحم من السمره
ليست هناك تعليقات:
إرسال تعليق