مشتاق/ روميو عويس

1

شو صاير؟.. بتلفن ما بترِدّي

الشوق لطعة جَمرتو حَدِّه!..

مشتقلك وما شفتك من زْمان

بحِسّا سنه ولو قصرت المدّه

2

مشتاق اسمَع صَوتك الرنّان

لضحكاتِك البيخففو الشدّه..

لعيون متلا لفتة الغزلان..

لرموش من دون كحل مسوَدّه

لشفاف دَخلا.. لونها مرجان

ساحره.. بالشّهد بتْنَدّي..

للعاج لمْخَبّا.. لخصر فتّان

رِدّي عليي.. بعزّة الرحمان

صَوتِك علاج الشَّوق والحرمان

وكلمة "الو" عا البعد بتقَدّي