روميو.. يا رب الكون دخلك إرحمو
من ها الدني سافر بطوفة موسمو
كل ما بوجهو ينشفو دموع القلام
ويعطش ورق عا الطاير يقدم دَمُو
لكتبو التلاته قال بالصف وقفو
بكاس النبيد كلام أكتر من كفو
وبتحبحب عناقيد جاب المستحيل
ووين الخطيه قال للما بيعرفو
شاعر بيدون مبالغه قدرو سما
صاحب قديم وخي عندي بينسمى
لمّا حياتو صارت هموم وعذاب
قال الجسد للروح روحي عا السما
ليست هناك تعليقات:
إرسال تعليق