من محردة ـ سوريا أرسل الشاعر مفيد نبزو هذه القصيدة عن فقيد الكلمة كلارك بعيني
ـ1ـ
من هون بدي قولها كلمات
من دمعة الأرزات والكرمات
في ناس ماتوا وانتهوا يا خطيْ
وذكراك يا كلارك البعيني حيْ
المتلك وفا وإيمان لأ ما مات
ـ2ـ
يا مجدليا الجمر نار بمدمعك
كلارك البعيني اليوم جايي يودعك
شربل قصيدة آه يا ناي الشجن
من هون روح وعاطفة بكينا معك
ـ3ـ
يا كلارك جرعنا الزمن كاس المرار
بعدك يا غالي وبكيت حجار الديار
من بعد غربة كلها هموم وتعب
فارقتنا بغربة ما في إلها قرار
ـ4ـ
كلما شفت شي طير بالعالي
رح خبرو شو اللي شغل بالي
ورح أمّنو ع مجدليا يروح
ويبوس قبر "كلاركنا" الغالي
ومطرح ما في أرزه ع قبرو ينوح
ويشكّلا من كرمة الدالي
**
ليست هناك تعليقات:
إرسال تعليق