قلّي دَخيلَك ليش يا رَبّي
عَ ناس ايام السَّـعد بتعيد
وعَ ناس حلم السَّعد بتْخَبّي
وعَ دفاترُن ما بتزبط مواعيد؟
حُبِّك خَلَقلي بغربتي غُربه
وحاولت انسى ما طلع بالإيد
كل ما صْرَخـت: لا تقرّبي صّوبي
بقرّب انا لَصَوبِك وما بحيد
صَوتك حلو.. ولولا عن تْسبّي
قلبك حلو ولو كان عني بعيد
عمري ما بنسى عهد لمْحَبّي
وشَعْر العا كتفك نازل تجاعيد
والصدر، والخصر، والرَّقْبي
وخمر الشفاف، وحَب لعناقيد
وكيف من نبع الهوى تعبّي
ونشوة الحب لْتطلَع تْغاريد
ما عرفت زنبك كان؟ او زنبي
ومين الزَرَع عمري بكي وَتنْهيد
وحَط حَولي النار وبقربي
وبْسَكرتي مين لْسَقاني نبيد؟
لْبَعرفو؟ كنتي هَدَف دَرْبي
وكنتي الثروه الغَيرها ما بريد
وكنتي حلم عُمري وأمل حُبّي
وكنتي الدني..وكانت حياتي عيد
وصرتي كأنك خنجر بقلبي
كل يوم عن بيشق جرح جديد
وخايف لأصرخ آخ.. تنسحبي
وفزعان تبقي.. والجروح تزيد
ليست هناك تعليقات:
إرسال تعليق