وصل مكتوبها الموقَّع بقبلة من احمر الشفاه فكتبت ردّاً جاء فيه:
طبعتي شفافك قبله
عَ وراق المكتوب
عملتيلي شَغله
ما كانت بالمحسوب
يا دوبي حاملها
وشفافك بتأمَّلْها
لشفافي بْوَصَلها
خايف لَ قَبّلها
امحيها وتدوب
شغله ولله شغله
عملتلّي يا محبوب
لَعّوبه عاملها
بدللها بغازلها
عن حبي بسألها
بين ديي بْنَقّلها
مقابيلا مَصلوب
شفلك ملّا شغله
عملتلي يا محبوب
لون شفافك وردي
وانتي احلا ورده
مكتوبك يا وعدي
غالي غالي عندي
دهب ومسكوب
شفافك احلا شغله
والله يا محبوب
لون شفافك خمري
وانتي خمرة عمري
يل سلّمتك امري
ان كان حبك جمري
انا راضي بالمكتوب
حبك احلا شغله
والله يا محبوب
ليست هناك تعليقات:
إرسال تعليق