وينك يا شادي الصبح ما بتفيق
نايم انت واللا بأحلامك رفيق
صار النحل حايم ع تم الزهر
الصبح جهجه والشمس شقت طريق
*******
وعيتك من النوم يا حبي
يا سنبلة وحبة جنب حبة
عم ارسمك ع مفارق الدهشة
وخبي فنوني بي قلب قلبي
******
وينك يا طيف محطم ومدحور
والعمر ما زهر ولا قطف زهور
تاريك مش داري بعصفورة!
كل يوم بتقلك صباح النور؟
*******
نيسان شو مغرور
والفلك مسحور
وانت وانا كذبة
ومشوارنا مكسور
ليست هناك تعليقات:
إرسال تعليق