مطعم جسر رشعين/ روميو عويس

 لسايد فنيانوس صاحب مطعم جسر رشعين 

انكنو الجسـر هالقد مشـتقلي

المازه عا جلسة كاس هَيّئلي

وقرصين كبّه خدودهن حلوين

وحَدُّن سلاطة زعتر وبـقـله

وتشكيلة لحومات مشـوييـن

عا طول عندك لحم عا عَقلي

وسمكاتك ال بالمي مبسوطين

منهن فرخ حرزان تلقطلي

وبعد ما يمرق على السكين

سبَحو من جديد.. بالمقلي!..

ناوي عَ سكره مطنطنه بتشرين

باب الجسر بالحلم عَيَّطلي

وديوان شعر قصايدو تلاوين

كتبتن بغربه القلب حرقتلي

رح وقّعو عالجسر لمحبين

واصحاب بيحبّو الشعر متلي

"جايين يا ارز الجبل جايين"

ان الله فَتَح والحظ زلغطلي

**
يا بال

يا بال.. عم بتردّني لهونـيـك!..
لمطرح لضوو وانطفو شموعي
ومن يومها ما عاد صاح الديك

صَيحة الزكرى فَجرها دموعي

**