كتابنا: لام العيون الخضر/ روميو عويس

قالت: اكتبلي شعر غنّيي

تخلّي البشر يتغزَّلو فيي

بمطلَبِك ما اصعب المشوار

ان قلبي سبَق بالوصف عينيي

قلبي ان حِكي؟ بيطلع كلامي نار

بتعاتبي.. وبتغضبي عليي !..

وبفزع الغنوه يرددوها كتار !..

واسمع دلَع روحي.. بدينيي

و بغار من وصف الحلا وبغار

غيري.. يشاركني الخصوصيي

عيونك الخضر ورمشُن البتّار

حَرمو عيوني النوم ليليي !..

وشفافك البينافسو الخمّار !..

بيحندقو شفافي السكريي !..

وصدرك المتل المارد الجبار

ونهود فوقا نجوم خمريي

وخصرك؟؟..

ما رح وَطّي عن الزنّار !..

لا لا .. ما فيي بتعجز الاشعار

تصَوِّر النار الوالعه فيي