عطيت آخر أمر للدورية :
" اتنين .. اتنين ...وبعدين بيمشي الشاويش "
ومن دون ما تستعمل الصوفايرة مشيت..
يا شاويش فَلَّيت بوقت نحنا بحاجة إلك..
بحاجة لشاويش يخاف علينا ..
.. وبيغار عا وطن..
وبيسامح.. "إنتِ أكبر سرّاقة لمّن شفتِك من الطاقة .. سرقتي قلب الشاويش "
فليت بوقت بدنا مين يخلينا نبتسم ويطمّنا:
" صحيح الحالة صعبة بس بحطك بقلبي .. وبمعاشي منضل نعيش "
"يا شاويش المراجل اللي رابي ع المشاكل.." مين عطاك الامر وانحنيت ..لتمشي؟
يا شاويش الحب يللي بيدوب وما بيستحي يقلها للحلوة:
"كل ما لولحتي السلّة بِ لَولِح قلب الشاويش "
يا شاويش...
يللي عاملين "شاويش علينا" صاروا كتار..كتار..
بدنا شاويش هوي وعم يكتب المحاضر، علينا يحّن
" ع كتيبة المحاضر ... رح صفّي أكبر شاعر بِحَكيي المراجل قادر وبالحب بلطّش تلطيش"
يا شاويش رح نشتقلك.. رح نشتاق لصوتك ولطلتك يللي فيها من الارض.. الخير.
تلاميذك وخيي منهم رح يشتاقو للوجه الحنون والمحب
الكلمة رح تصير يتيمة والشعر رح ينجرح موّالو
الحدت بتودعك وبِتْحَمّلك سلام لإبنها ايلي صنيفر وللاخوين رحباني
وانا مع كل شخص عندو حب واحترام للشاويش يللي هاللقب ما بيلبق لغيرو:
"كل ما سمعت الصوفيرة ... بوقف و بقِلَك يَعيش.."
وليم حسواني وداعًا.
ليست هناك تعليقات:
إرسال تعليق