1
شو فِيا لو بوستين زغار
خِدْتُن من شفافك
لا بيتركو عَ شِفّتِك آثار
ولا في حدا شافِك
2
ولولا حارقني صدرك الغرّار
والفل لنبيدي
لا بفتِّح عراوي ولا الزنّار
رح تدقَرو إيدي
3
لولا قبلتي ليلتا.. شو صار
يا واقفه بدربي؟
كنتي طفيتي رغبتي والنار
هالوالعه بقلبي
**
عيد الحب
رغم الأسى وحياة عينيكي
لا بعاتب ولا بحقد عليكي
من جنينة الحرمان بقطف شعر
شَوق الحبايب.. يسلمو دَيكي
**
دبدوب حب حملت للمحبوب
وباقة ورد حمرا وعطريّه
لقيت عندو في الف دبدوب
وباقات ورد بيطلعو ميّه
**
مين اخترع هالعيد للعشاق
وقدَّيش في متلي انا مساكين
بيعَيّدو ع الدمع والاشواق
وشمعة الحب بعَينهُن سكّين
**
بتحبّني او لأ
1
"المارغاريتا" قَبل ما تدبَل
حملتها.. وبلَّشت وَرِّقـهـا
يا ترى؟ بترفُض او بتقبَل
فيي حبيب؟ كتير بعشَقها
2
ومع كل ورقه كان قلبي يدق
وترجُف صابيعي واطلُب وصَلّي
يا رب تنصفني.. وقلبا يْرِق
ان خلصو الوراق بلأ.. يا دِلّي!..
3
ببُعْدِك طوال.. طوال.. ايامي
بصير الدقايق عَ صابيعي عِد
بقُربِك؟ الوقت بيمرق حرامي
ما حْسَبت بدّي اعْشَقِك هـَالقد
**
عيد الحب
رغم الأسى وحياة عينيكي
لا بعاتب ولا بحقد عليكي
من جنينة الحرمان بقطف شعر
شَوق الحبايب.. يسلمو دَيكي
**
دبدوب حب حملت للمحبوب
وباقة ورد حمرا وعطريّه
لقيت عندو في الف دبدوب
وباقات ورد بيطلعو ميّه
**
مين اخترع هالعيد للعشاق
وقدَّيش في متلي انا مساكين
بيعَيّدو ع الدمع والاشواق
وشمعة الحب بعَينهُن سكّين
**
بتحبّني او لأ
1
"المارغاريتا" قَبل ما تدبَل
حملتها.. وبلَّشت وَرِّقـهـا
يا ترى؟ بترفُض او بتقبَل
فيي حبيب؟ كتير بعشَقها
2
ومع كل ورقه كان قلبي يدق
وترجُف صابيعي واطلُب وصَلّي
يا رب تنصفني.. وقلبا يْرِق
ان خلصو الوراق بلأ.. يا دِلّي!..
3
ببُعْدِك طوال.. طوال.. ايامي
بصير الدقايق عَ صابيعي عِد
بقُربِك؟ الوقت بيمرق حرامي
ما حْسَبت بدّي اعْشَقِك هـَالقد
**
ليست هناك تعليقات:
إرسال تعليق