اضحى مبارك
كل عيد وانتي بخير ياعيوني
يا مْشَغّلي الافكار بسْكوني
انشالله تضَلّي كل عيد بخير
واحلى واغنى وأهضَم تكوني
" بَعدني بحبِّك يا مَجنوني "
**
بقدَّيش بعتيني
لو بَـعـرِف بـقـدَّيش بعتيني
من بَعد ما ببَحرِك رمَيتيني
انكنو البعد مش بَس نحنا بعاد
بقصد ربوعِك رَكض لو فيني
هَجمِـت كورونا وسَكَّرو لبلاد
متل البشَر مَحروق مَسّيني
راحو وإجو وراحو وإجو لعياد
كنتي الحلو عالعيد تهديني
وجبلك عطر.. اكتب كلام جداد
قصايد ولا احلى.. تقبريني
اليوم بُعدِك زاد.. جرحي زاد
ودَمعي عطـر أحمر بقَـنّـيـني
**
ليست هناك تعليقات:
إرسال تعليق