طفل اليمن صَرَّخ تا صَوْتو انْبَح
ماتت النخوه ..
مْرُوِّة الانسان
سراجها من زْمان زَيتو شَح
والعدل؟؟
عم يبرم على الميزان
والعرب؟؟
صارو بدنية النسيان!..
كان في عُروبه..
اليوم صارت "بَـَح"
طفل اليمن عم يحترِق.. موجوع
بين الركام مْشَرَّد.. ومفجوع
بَيّو انْدَفَن بالبَيت لتْهَدَّم!..
وامّو.. اختَفِت منها الامَل مقطوع
ولهبة نيران الحرب ما بترْحَم
بشو مننفَعو لولا زَرَفنا دْموع؟
بَـدّو دوا !..ولقمه تسد الجوع
طفل اليَمَن؟
لو تسمعو شو قال!..
حِكْيِت دُموعو.. بدون ما يْسَمّي
لَوْعتو..
رُعبو لسان الحال!..
بيقول:
بيتي انْهَدَم ..
ما ضَل عندي عيال
وانتو العَرَب؟؟؟
امّه بلا دمّه
وَيْحْكُن..
يا سْفالِة الامّه
مين قال عنكُم للشهامه رجال؟
كـفّـار انتو..
عَقْرَبه مسمّه
الدين نعمِه.. والشَّرَف رسمال
انتو؟؟
ما إلكُم دين يا عَمّي!..
والشرف
ما بينْشَرى بالمال.
انت القَتَلْتو والدي وامّي
ونيرانكُم ما بترْحَم الاطفال
في يَـوم للظلّام مهما طـال
ما في حَدا بيضَل بالقُمِّه !..
لْـبَـعْـد الآبــَـد بـرقـابـكُـم دَمّــي
سيدني استراليا / روميو عويس
ليست هناك تعليقات:
إرسال تعليق