طَلبِت غَزَل من نار!..
يا إمّي !..
شو بدّها من الحَرْكَشه بالنار؟
شِعر الغزل ربيان بِ دَمّي
وطالع عَ ايدي بأجمَل الاشعار
تا إبتدي من وَين يا عَمّي؟
من فَـوق؟
او اوطي من الزنّار؟
من عنق منّو مشتهي الشِمِّه؟
" تْكَرَّم برَشّ العطر يا عطّار.. "
من شفاف متل الجَمر بتْحَمّي
والرّيق؟ " صب الخمر يا خمّار؟ "
من نهود.. زادو رغبتي وهمّي
عَ تلالهُن بَعدو الجوري زرار؟
شِغلُن الشاغِل.. حَندَقِة تمّي
وترجف صابيعي..
من شفافي تغار
عْفيني.. بأشعاري لاتهتَمّي
طَفّي اللهيب.. وْرَيّحي المحتار
ليست هناك تعليقات:
إرسال تعليق