بعد شروقية الدكتور مروان كساب الرائعة، انهالت قصائد المديح على الدكتورة بهية ابو حمد رئيسة جمعية انماء الشعر والتراث، وقد نشرنا في "الغربة" العديد منها، وها نحن ننشر قصيدة الشاعر ميلاد ساسين التي أهداها للدكتور والدكتورة:
مرق بين التجافي والتصافي
عمر ما حددو حدود ومسافي
طلع من كركة الكرم المخمر
كتافو جبال وتيابو عوافي
وحمل من شمخة الارز المعمر
ذات العز وحقوق الخلافي
أبن كساب ما بعمرو تقهقر
ولا سكر باب قلبو عا المضافي
بجزيري منزلو و بظروف أعسر
حافظ عا التراث من السخافي
وعا كفو علمو زنبق وزعتر
تا صار الزعتر ب ايدو كنافي
وحدو في بهية بليل أشقر
مرقت عا زجلنا الكان غافي
وشالت من عروقا دم أحمر
وشكت فيه قصدان وقوافي
ولانو بعضهن بعدو بيسكر
على جرعة انانية وتجافي
فتحت بابها وبابن تسكر
حقيقة صامدا بوجه الخرافي
وانا بوجودهن بلشت أفخر
وأشبع ذوق مجبول بلطافي
وقلن عن زجلنا بكل محضر
جبل باقي وحدو ما بيوصل
البيكون بخلقتو من الأصل حافي
0 comments:
إرسال تعليق