سكة سفر/ محمد محمد علي جنيدي

لو يكون يومك جميل

عادي تشكر..

طب ولو يومك تقيل

ليه بتكفر!..

ده لأن الدنيا سارقه

نبض قلبك

لما تقفلك بيبانها

تنسى ربك..

خلي بالك واوعى تنسى

واوعى وانته بتقوى تأسى

دي الدموع اللي بتجري

بكره يمسحها القدر

والخريف يجي بياخدنا

زي أوراق الشجر

واللي راجع والمسافر

واللي سهران للقمر

كله راحل واحنا إحنا

نسخه من كل البشر

مهما هتطول الحكايه

الحياة سكة سفر

مصر / بني سويف

m_mohamed_genedy@yahoo.com