يعتب صديقي الشاعر اسعد مكاري على تقصير دولتنا بتكريم اهل الفن والادباء عامة، و اخر تقصير رسمي كان بحق النقيب الفنان الراحل شربل نعيمي ما دفعني لكتابة القصيدة التالية:
من ايمتى بلبنان يا اسعد
بيتْكَرَّم الشاعر او الفنان
وأيّا اديب بعيشتو بيسعد
وبيدوق غير القهر والحرمان
اهل الفكر بالفقر عا موعَد
ان عاشو؟ ان ماتو؟
ما حدا سئلان !..
التكريم للبزّور عا مقعَد
المجلس، وعامل مركزو دكان
التكريم لل عا ضهورنا بيصْعَد
وبيبيعنا بقرشين للشيطان
وعندو زلم عالناس تتنَمْرَد
ناهب الدوله وفالت الزعران
تسرق.. وتقتل.. وتتوَعَّد..
اهل الفكر لاففهُن النسيان
اسعد: لا تنسى.. انت بلبنان
0 comments:
إرسال تعليق