1
بين مَدخَل جارك وبابك
شو الفرق؟؟
هيدا باب!..هيدا باب ..
انتي النجوم مْزيّنه عتابك
وباب الجيران خْشاب
2
ولا تسألي شو بيفرق الشبّاك
ال منّو بعض اوقات بتطلّي؟
وبغيبتك !.. بيطل ظل ملاك
وبفْهَم عم يقلّي:
استَنّى.. استَنّى بعد بتْرَجّاك
وبنطرِك عالشوق..
وبصَلّي
تا تزهِر الفلّه.
3
وليش اغلا قِيمة تيابك؟
وبشوفهُن غَير شكل!..
احلا تياب؟..
وبجن لولا طَوَّل غْيابِك
وبقلَق بلا اسباب؟..
وبسأل.. ما عندي جْواب
ليش بحياتي ربّنا جابِك؟
سبحان الله..
الخالق الوهّاب
ال جامِع الاحباب.
0 comments:
إرسال تعليق