1
بيقولو كتوب.. شو بكتب حبيبي
وجرح مَـفـتوح ببلادي الكـئـيبه
وسواد الليل.. بَـعْـدو لـيـل تاني
ومصيبه بَـعـدها بتطلع مصيـبه
2
بْـجَـو الحـزن؟ بـتْـبَكّي الغـناني
وانـا مـعـتـاد ما صَوِّر نَحـيـبي
بْـخَـبّي الـدَّمـع وبـتـلمـَع سناني
بِـبَسمه.. وبسمة الباكي غَصيبه
3
أسى وآلام عم يـمْـرق زمـاني!
وحلم الـعـمر عم يقفى هَـريـبه
لأغلا بـلاد عـاطفتي وحـنـاني
وما بدّي بدَمع اكتب عن حبيبي
0 comments:
إرسال تعليق