انت !.. في عندك مرا وولاد
ومدرسه.. قسط وكتب.. وعياد
وتياب من سوق "الخليع" جداد
نْخجلي من التاريخ.. با بلادي
بْدَينِك غرقتي.. ودينك شْحادي
كانو ولادك للدني روّاد..
خَطّو المجـد.. بالدَّم اجـدادي
فيكي نْطَويِت صفحة الامجاد
صرتي بلا عزّي وبلا سيادي
صرتي عا مَدّ الإيد معتادي
لاتستحي.. عم تشحد اللقمي
تا تسد جوع.. وتطعَم عيالك
زعما الوطن كلٌّن بلا رَحمي
أكلو الوطن.. كَفّو على مالك
0 comments:
إرسال تعليق