قصيدة الشاعر طوني رزق التي القاها في حفل توقيع كتاب الدكتورة بهية ابو حمد "شربل بعيني منارة الحرف"

 قصيدة الشاعر طوني رزق التي القاها في حفل توقيع كتاب الدكتورة بهية ابو حمد "شربل بعيني منارة الحرف" 18/3/2923:

ـ1ـ

تعودت اكتب شعر للحلوين

امحي سنه واكتب قبالَ سنين

وكل ما قصيده تحير الأفكار 

تحير معي افكار لمحبين

لاكن اليوم بعجقة الأشعار 

تحيِّر نادين فكارنا تخمين

تتقدم الشعار صارو كتار

يمكن نادين لاصلها شعار

مدري اصل اشعارنا نادين

ـ2ـ

وكل ما البهيه نجمها يعلى

بعين الجواهر اسمها بيحلى

ومتل السطوره لعاشقه الأقلام 

بتعشق النظره عينها الكحلى 

وعينا بتغفى شوي ما بتنام 

بتنام لما تصير تتخلى

وشو هم يللي بيحلمو ما دام

بتقدر بغفلي تحقق الأحلام 

وتكون هيي الجوهره الأغلى

ـ3ـ 

يا شعر كل ما برسمك لمعه

بتسرح الريشه لوحدها جمعه

وفيك القوافي بتعمل عياني

كل ما بليلك ولَّعّت شمعه

بلَّبّس حروفك شعر و معاني

تا ما عليها ينسمع سَمّعَّه

بتلبس النظره رموش احزاني

وتا ما تضل العين عرياني 

من قبل خَدّي بتلبس الدمعه

ـ4ـ

عَلّي المناره شّوَي يا بعيني

كرمال تقطع تحتها عيني

وتَنصير فينا نقشعك لبعيد

قَرّب حروف الشعر ع الديني

وعَلّق مواج العاصفه عواميد

خلقها سفر ما بينك وبيني

وكل ما ببحرك سافر من جديد

عَلّي المناره شوي لو بتريد 

تتصير وينك اقرب لويني

ـ5ـ

يا شعر بالغربه صرت مخطوف

تا يحَرِّروك بيطلبو فديي 

ما في حدا بيعمل معك معروف

إلا تاينكي جروح منكيي 

كان الشعر من ملهمك مقطوف

ببحر القوافي ترَوض الميي 

تشق المواج بحرفك الملهوف

تخَلّي ب دينيي القصيده شوف

كل ما سمعت شاعر بعينيي 

ـ6ـ

ولما البهيه حسبت حسابك

تبقى منارة حرف احبابك

فكرت انو ل بلشعر مهووس

ما عرف وصل حرف بغيابك

انت مناره وبالشعر قدوس

خايف ل بكرا يزعلو صحابك 

وعنك يقولو مبرطلو لقدموس 

كرمال تعطي بالقصيده دروس 

فَضّى حروف الشعر بكتابك