1
يا وطني ما بريد
غير شوفَـك مَلَك
والـعـزّ فيك يزيد
وجبينك.. بالفـلَـك
يا اكبَر مَلَك
2
يا وطني الشهـيـد
رادولك دَمـار
بالنار و بـالحديد
وجيوش الكتار
وطلعت من النار
والغازي هَلَك
وبقيت الملَك
3
اليوم فصل جديـد
من فصول الحداد
مش بالبواريـد
بالنهب وبـالفسـاد
تا تجوع العباد
ويعَتِّم مَدخَـلَـك
وتبكي يا ملك
4
يا شعبي العـنـيـد
يا ثاير عن إيمان
ضَلَّك إيـد بـإيـد
ثاير ع الطغيان
لا تخاف العبيد
الاندال.. ولبنان
سـاحـاتـو إلَـك
يا شعب المَلَك
**
دمعة عيون
الشعر وعّى بقلبها جرحا الغميق
دمعة عيونا.. دَوَّبِت قلبي الرقيق
حبَّيت واسيها واقعد حَدّها
وقَبِّل عيونا الدامعه.. قبلة صديق
بعاطفه إيدي تداعب يَدّها
يمكن اللمسه.. خَلِّتا اكتر تفيق !!
عَ حُب ما بيترك كيانـا.. هَـدّهـا
تارك بعينا دَمع.. وبـقـلبـا حريق
من هَيك بوس عيونها ما بدّها
و كيف بدّي واسيا الموقف دقيق
بدّها بوسه بريئه تعدّها !..
وبوسة الخد بتحسبا بوسة رفيق
من هيك طَلبِت بوسها بِ خَدّها
بستا ومشينا كل واحد بِ طريق
يا رب ما تترك حدا واقع بضيق
**
**
دمعة عيون
الشعر وعّى بقلبها جرحا الغميق
دمعة عيونا.. دَوَّبِت قلبي الرقيق
حبَّيت واسيها واقعد حَدّها
وقَبِّل عيونا الدامعه.. قبلة صديق
بعاطفه إيدي تداعب يَدّها
يمكن اللمسه.. خَلِّتا اكتر تفيق !!
عَ حُب ما بيترك كيانـا.. هَـدّهـا
تارك بعينا دَمع.. وبـقـلبـا حريق
من هَيك بوس عيونها ما بدّها
و كيف بدّي واسيا الموقف دقيق
بدّها بوسه بريئه تعدّها !..
وبوسة الخد بتحسبا بوسة رفيق
من هيك طَلبِت بوسها بِ خَدّها
بستا ومشينا كل واحد بِ طريق
يا رب ما تترك حدا واقع بضيق
**
0 comments:
إرسال تعليق