بحرفه صابيعو لامسو كِمّي
حسَّيت متل النار بِ دَمّي
ان لَمسو صابيعو رَقبتي.. شو صار؟
وكيف فيي طيق جمر النار
لولا شفافو وَصَّلو لتمّي
بيوقاف قَلبي.. بجِن يا امّي!
ـ2ـ
وتصَوَّري رحنا سوى مشوار
وشو فِيا؟ مشوار يا عَمّي !!!
وصار.. من طَير الحمام يغار
ويحن زر الورد للشَمّه
ومنّو لحالو يوقَع الزنّار
لا تسمعي.. ان صرَّخت يا امّي
ـ3ـ
مشوار عَلَّمني دَرس نوّار
وروعة الحُب ولذّة الضَمّه
ونشوة السَكره !..وخبرة الخمّار
الفلفش بعَتم دفاتري الاسرار
ومن يومها.. صار الهوى همّي
وشفت الدني غير شكل يا امّي
**
انا مش كافر
انا مش كافر!..
انا مش كافر
حكامي كفّـار
ما عندي مطرَح سافر
عندي ولاد زغار
رح بيموتو جوع
والقلب الموجوع
ما بيسد الجوع
ومن املي المقطوع
عا حالي طْلَقت النار
سامحني يا غافر
يا ربي يا جبّار
انا؟ لا.. مش كافر
حكامي كـفـّار!..
**
0 comments:
إرسال تعليق