لو هقول أن البعاد فرّق ما بِنا
أو يكون المستحيل حال بين لقائنا
تفضل الشمعه اللي قايده جوه قلبي
نورها حبك.. عطف قلبك وأنت جنبي
هيه روحي ازاي تعيش من غير ما احبك
هوه قلبي ازاي هينسى عطف قلبك
واما اتوه عن روحي روحك بين ضلوعي
ألتقيها ف. لحظه بتنور شموعي
انت أجمل شيء ف.عمري راح وباقي
لسه ذكرى ف.قلبي بتواسي اشتياقي
كنت أجمل أب عاش ليّه صديق
وافترقنا واحنا كان بدري الطريق
غبت عني بس قوللي ازاي تغيب
هوه بدر الليل يغيب عن عين حبيب
خدت منك بسمتك طيبتك وحب
ضم كل قلوب حبايبي جوه قلب
وانت ابويا اللي ملا طبعه الوفاء
وانت أغلى هديه من رب السماء
والحنين لك أوفى من كل الكلام
والأماني تكون يا غالي ف. دار سلام
- مصر
m_mohamed_genedy@yahoo.com
0 comments:
إرسال تعليق