يا حضرة القاضي/ فؤاد نعمان الخوري

 تكريم القاضي ابراهيم علاّم

في صالون الدكتوره بهيّه أبو حمد

،،،،،

كلمه من ابن الخوري

لْ قاضي الحقّ الدستوري:

ميّة أهلا وسهلا فيك

ب قلب القصر الجمهوري!

،،،،،

يا حضرة القاضي أنا بهنّيكْ

صيتَك ورد من هون لَ هونيكْ؛

لْ متلك قضاة، قلال ها الايامْ

ما في حدا يغويك أو يلويكْ...

قالت بهيّه وصدرت الأحكامْ

أوفى محاميّه عم تحيّيكْ،

ليلة الجمعه جلجله وآلامْ

صارت عرس لمّا التقينا فيكْ!

،،،،،

عندي قضيّه بينَك وبينِي

مع ستّ، فلشة شَعرها جنينهْ

وكلما بتتبسّم بيصير النّورْ

يوزّع عَ العصافير حلوَينهْ..

اسما بهيّه، والشِعر مسحورْ

بيشهق لها وبيقول: يا عَيني!

وقلبا قصر مَنّو متل القصورْ

متلو حلو مش شايفه عَيني.

وكل القضيّه في نزاع مْرورْ

عا قلبها، ومش عارفه وَينِي:

يا تقول: فؤاد الحلُو القمّورْ

يا تقول: عاجبني جورج منصورْ

يا تقول: بدّي شربل بعَيني!

،،،،،