قليلاً من الخجل/ شوقي مسلماني

أعطينا رأينا بشأن لبناني، طلعلنا جهبذ وقال "بتعملوا عناتر لأنكن برّا"!  والبعض جهبذ "أوكارّي" ـ مضاعف ـ قال: "تعوا على لبنان وقاوموا"!. 

مرّة مشينا بمظاهره بسيدني وتاني يوم قرينا بجريدة عربيّة لندنيّه ـ بلا ذكر الإسم ـ بتقول: بتتظاهروا بسدني وبتحمّسوا الفلسطينيّه وتاني يوم بيموت فلسطيني وإنتوا بترجعوا ع بيوتكن وبتناموا على "أسرّة وثيرة"!. 

الأمثله كثيره، وأخيراً تكرّرت القصّه مع أكثر من "أحدهم" من نوع: "إذا قبضايات انزلوا ع لبنان"!. 

يعني المسألة شخصيّه؟ مصرياتنا انسرقت وأهلنا عم يستشهدوا بالجنوب وبيوتنا اتدمّرت ـ 3 بيوت بكونين و4 محلاّت لأهل كاتب هل كلمات ـ وما بيطلعلنا نقول كلمه لأننا برّا؟ كلّ المغتربين ما بيطلع كلامهم اللي ما بيعجب أقلّ من واحد على ميّه من اللي بيقوله اللي جوّا متل مع حفظ الألقاب الشرفا مخايل عوض، حسن حماده، بشرى الخليل، جهاد أيّوب، مايا خوري، رلى نصر، غدي فرنسيس، راشيل كرم، مريم البسّام، نجاح واكيم، ابراهيم الأمين، جمال واكيم، عمر نشّابه وغيرهم وغيرهم.   

لطفاً غيّروا هل حكي وهل موجه، بيكفّي زعبره، اطلعوا من هل حكايه، اخجلوا شوي.      

Shawkimoselmani1957@gmail.com