أوراق في صندوق: هزّة خيزرانة/ شوقي مسلماني

ـ حاططْ كرسي عسطحِ القمَرْ وقاعِد عم يأركِلْ. 

ـ قال الصديق المسرحي الراحل فضل عبد الحي: "كانْ عَمِيطلِّعْ فيها، شافْتُه وقالتْلُه شِي، سألتُه: "شُو قالِتلَكْ"؟ قَلِّي: "قالتلِي  إنها منشانْ واحدْ، هيِّي تشُوفُه وهوّي بس يشُوفْها، وإذا بدّي طلِّعْ فِيني  طلّعْ بَسْ ما خلِّيها تشُوفْنِي". 

ـ البْسَينِ اللّي عندي مشْ شاطِرْ إلاّ عالفيران!. 

ـ الشاعرهْ "سَلامْ مَكّي" مشكورهْ: "مهما يخْتِرعوا صَوَاريخْ \ تودِّي عالكوكبِ التاني \ المرِّيخْ وغيرِ المريخْ  \ رحْ يكتِشفُوا في تاريخْ  \ وناسْ بيحكوا لبناني \ يللّي بدّو يبقالُه ذِكِر \ ومعروفْ بقاموسِ الشُكُرْ \ ما ينسى فلسفةِ الفِكرْ \ مِنْ أفكارُهْ خلقاني \ بقلّكنْ عن أصحابِ الفِكر \ الشاعر شوقي مسلماني. 

ـ بمناسبةْ ولادةْ إبني شاهر، هاتفْنِي الشاعر المرحومْ عصامْ ملكي وقلِّي: "بقلّكْ يا شوقي بكلّ إيماني \ ومِنْ عادتو ما يدحرِج لساني \\ إنتِ صديق مْشغّلِ التفكيرْ \ ومعروفْ جَوَّكْ جَوّنا الهاني  \\ زوقكْ معي بيضلّ حجمو كبيرْ \ إنتِ وأنا إبرِه وأسطوانِه \\ بهنّيكْ يا شاعر حداثه كتير \ "شاهر" إجا،  ومتلك إنت مشهور \ وبيت الشِعِر بيت المسلماني". 

ـ حكّلّي تَحكّلّكْ \ مَرّقلِي تَمرِّقْلَكْ \\ طوّلتُوا وتْغوّلتُوا \ وبالكراسِي مسْمَرتوا \\ لا تقلّي ولا تقلُّه \ ولا تقلُّه ولا تقلّي \\ جوّعتُونا، شرّدتُونا \  هجّرتُونا، بِيكَفِّي. 

ـ "القبَضَايْ ما بيُهرُبْ مِنْ هزِّةْ خيزرانِهْ".  

ـ الصورة مع الشاعر الراحل عصام ملكي. 

Shawkimoselmani1957@gmail.com