وينك يا فادي الكون/ نوّاف البعيني
وينك يا فادي الكون يا أنسان
وجهك سحرنا وطول غيابو
يا معلم الأجيال مهما كان
قلوا عا سطح الارض طلابو
ترابك جواهر زينوا التيجان
ونحنا وطنا مهزرة تيابو
جسمك تجلا وفتق الأكفان
وقبل القيامة تجوهر ترابو
ويوضاس مهما يطلب الغفران
بعيد المنال وصفر بحسابو
تابوا الصفو للشيطنة عنوان
وحكامنا بلبنان ما تابوا
موطن جريح وحاكمو الشيطان
وفينا الحنش متحكمة نيا بو
غيابك حدث يا مفتح العميان
مشي الكسيح وشدشد عصابو
الكون البيوم قيامتك فرحان
بكرة بتجي وبتخفف عذابو
تمشي الغنم وذيابهم أخوان
وبيت الكرامة بترفع عتابو
بيركض الطفل البائس الحفيان
يبوس صليب المجد عا خشابو
ومش رح يشوف قيامتو لبنان
الصرلو. زمان بيحكمو الشيطان
وعندو ألف يوضاس عا بوابو
