الشيطان لمّا عا الارض زندو شمر
لواحد بلا أخلاق بالويسكي اختمر
من هالدني لتاني دني حادث رهيب
أربع نجوم السافرو بضو القمر
الاولاد اهلن ما بقى يشوفو هنا
وتا اقعد على السكت ما بقبل انا
مش بس كانو دموعهم متل الشتي
معهم تا نبكي دموع ما خلو لنا
الشوفير بدو يعيش هوي ومشكلو
ومش رح بيقشع يوم عا ذوقو حلو
بحبس المؤبد لازم يقضي الحياة
الاعدام راحه هلق بيطلع الو
الاولاد صارو ملايكه بجنة نعيم
وبدهن يكونو حد خالقنا العظيم
تاني دني شافو بعيون مدمعه
بس الاهالي عا الارض شافو الجحيم
بحيث العمر عا الارض ورقة يانصيب
وعن بعضنا اغراب جامعنا الصليب
بعزي الاهالي والقرايب بالوطن
وبضرب تحيه للبعيد وللقريب
0 comments:
إرسال تعليق