برقبتي.. لو صار في كومة ذنوب
زَعَّلوكي.. وبسببها مكهربي
يخْتي العَتَب بالحب صابون القلوب
فاتشيني بالذنوب وعاتبي
لا تتركي ع البعد محبوبك يدوب
ويدفَع جزا.. بلا محكمه ولا محاسبي
**
العين خطّافه
وقفِت .. وبيني وبينها مسافه
ببلوز؟ متل الفل.. شفّافه!..
والبرد؟ آخد مَجد بكوانين
قاسي.. كأنّو شَفرِة السكّين
تاريه متلي.. رقيق ع الحلوين
بيلمُس جَسَدهُن قسوتو بتلين
بيصير مذوِق ناعم ودافي
ورَغم المسافه؟ العَين خطّافه
فكِّر شفافي نار!.. لهبانين..
لحقو عيوني لعندها تخمين
وصارو ع جسما متل لمجانين
يتنَقّلو..وقلبي مع شفافي:
يا ريت.. لو بتطير لمسافه
العين خطّافه
وقفِت .. وبيني وبينها مسافه
ببلوز؟ متل الفل.. شفّافه!..
والبرد؟ آخد مَجد بكوانين
قاسي.. كأنّو شَفرِة السكّين
تاريه متلي.. رقيق ع الحلوين
بيلمُس جَسَدهُن قسوتو بتلين
بيصير مذوِق ناعم ودافي
ورَغم المسافه؟ العَين خطّافه
فكِّر شفافي نار!.. لهبانين..
لحقو عيوني لعندها تخمين
وصارو ع جسما متل لمجانين
يتنَقّلو..وقلبي مع شفافي:
يا ريت.. لو بتطير لمسافه
0 comments:
إرسال تعليق