معقول تغرب شمس يوم العيد
وما كون عم عيش الوفا والوعد
لبنان دقة قلب عمر جديد
والدم عم ينبض بصَون العهد
عندك علم يشهد على مجدك
وجبين عالي وغار ونياشين
عندك مدى التّاريخ ما حدك
والحب زهر الورد وبساتين
لبنان يا شمس الفلا والبحر
شط الأماني وموعد الاشواق
والنبع يهدي دمعتو للنهر
ورقص القصب بيغازل الأحداق
والجيش كيف الجيش مِنْزِينو
هوّي الأصل هوّي العَلَم ع جبال
هوّي الاسد هوّي ل حِمِي سنينو
ت يضل مهد الحرف والخيّال
وقلوب شرق وغرب عم تغلي
الّا بعلم لبنان ما بتحلم
ايدين مرفوعا وعم تصلي
ت انت تسلم والوطن يسلم
في ٢٠٢٥/١١/٢٢
0 comments:
إرسال تعليق