ربنا أمر بالستر على عبيده وعلى برلمانا اللى مطلوب منه أنه يكون موجود بس مستور خلف حجاب ما البلد كلها لابسه حجاب اشمعنى يعنى البرلمان حا يبقى برلمان سافر يتعلق من شعره يوم الحساب.
وستر البرلمان يكون بمنع الفرجة عليه مع أنه مسلى جدا ومصدر فكاهى اكتر من مدرسة المشاغبين فتوفيق كلامه عسل وسكر و سيادة المستشار حا يراعى حكوك الإنسان اما عجينة فحا يخلى باله من جزم السيدات وكل واحدة لابسة فستان مش على مقاس سيادته حا يعمل لها إستجواب و يشوف البوت بتعاها دستورى والا لا ومناسب لللايحة والا واسع شوية.
طبعا كلنا لازم ندارى على برلماننا من الحسد وهو موجود فى مقره كافى خيره شره وموجود سد خانة فى عين اللى شافه وما قالش لأوباما عندنا برلمان ...كويس وحش فاهم أو مش فاهم أهو حاجة نستعملها وقت اللزوم بالظبط زى طفاية الحريق المضروبة فى عربيتك لا هى تنفع تطفى حريقة وما ينفعش ترخص عربيتك من غيرها
لازم كلنا نبارك للبرلمان اللى مضطر يوافق على 350 قانون فى خلال 15 يوم عدى منهم 3 يعنى 30 قانون يوميا يعنى 4 قوانين فى الساعة يعنى القانون ياخد 15 دقيقة بدون توقف يعنى إكسبريس قوانين تفوق سرعة سيد قراره بمراحل وده الفرق بين مصر قبل الوكسة وبعدها والبرطمان ده حا يخوش موسوعة جينيس ريكورد بأعتباره شغال موافقة أسرع من الصوت .....سقفوا له سقفوا له على رأى حكيم المغنواتى وكمان هنوه على منع إذاعة جلساته علشان يبقى سوكيتى والقوانين بتاعته تطلع كوتيمى كوتيمى كوتيمى
وستر البرلمان يكون بمنع الفرجة عليه مع أنه مسلى جدا ومصدر فكاهى اكتر من مدرسة المشاغبين فتوفيق كلامه عسل وسكر و سيادة المستشار حا يراعى حكوك الإنسان اما عجينة فحا يخلى باله من جزم السيدات وكل واحدة لابسة فستان مش على مقاس سيادته حا يعمل لها إستجواب و يشوف البوت بتعاها دستورى والا لا ومناسب لللايحة والا واسع شوية.
طبعا كلنا لازم ندارى على برلماننا من الحسد وهو موجود فى مقره كافى خيره شره وموجود سد خانة فى عين اللى شافه وما قالش لأوباما عندنا برلمان ...كويس وحش فاهم أو مش فاهم أهو حاجة نستعملها وقت اللزوم بالظبط زى طفاية الحريق المضروبة فى عربيتك لا هى تنفع تطفى حريقة وما ينفعش ترخص عربيتك من غيرها
لازم كلنا نبارك للبرلمان اللى مضطر يوافق على 350 قانون فى خلال 15 يوم عدى منهم 3 يعنى 30 قانون يوميا يعنى 4 قوانين فى الساعة يعنى القانون ياخد 15 دقيقة بدون توقف يعنى إكسبريس قوانين تفوق سرعة سيد قراره بمراحل وده الفرق بين مصر قبل الوكسة وبعدها والبرطمان ده حا يخوش موسوعة جينيس ريكورد بأعتباره شغال موافقة أسرع من الصوت .....سقفوا له سقفوا له على رأى حكيم المغنواتى وكمان هنوه على منع إذاعة جلساته علشان يبقى سوكيتى والقوانين بتاعته تطلع كوتيمى كوتيمى كوتيمى
0 comments:
إرسال تعليق