عَيّشيني بنشوة الماضي
ايام كانو يحسبونا زغار
ايام ما مَرقِت على الفاضي
ايام كان الحب فيها نـار
تجنّ لهبتها وانا راضي
نحب لعب النار..
ليل نهار
لا يهمّنا حاكم ولا قاضي
ولا يهمّنا مين خاصم..
ومين غار
ايام!.. يبقى بالنا فاضي
زغار ونقَلِّد لعب لكبار
حكيلي بعد..
عن عمرنا الماضي
**
رسالة لابو حنا في دنية الحق
عَنّك يا بو حنا بقالي زمان
مشغـول.. كلمه ما كتّبتِلَّك
عَ قد شَوقي لضيعتي ولبنان
صَدِّق اذا بقلَّك اشـتـقـتلَّك
و للمطحنه ولعجقة الحجران
وغبرة الطحنه غمرتك كلَّك
وتوزّع مْسبّات كيفما كان
وشيخ الهضامه كان ينْقَلَّك
طيفك صلا بطاحونة الرهبان
يبارك القامو بشغلها محَلَّك
بالروح صرت بجيرة الرحمان
وببالنا عَ طول بـتْـضَـلَّـك
**
رسالة لابو حنا في دنية الحق
عَنّك يا بو حنا بقالي زمان
مشغـول.. كلمه ما كتّبتِلَّك
عَ قد شَوقي لضيعتي ولبنان
صَدِّق اذا بقلَّك اشـتـقـتلَّك
و للمطحنه ولعجقة الحجران
وغبرة الطحنه غمرتك كلَّك
وتوزّع مْسبّات كيفما كان
وشيخ الهضامه كان ينْقَلَّك
طيفك صلا بطاحونة الرهبان
يبارك القامو بشغلها محَلَّك
بالروح صرت بجيرة الرحمان
وببالنا عَ طول بـتْـضَـلَّـك
0 comments:
إرسال تعليق