قرايب سألتي بشكل حزّوره
مينها ختيارة الصوره ؟؟
غصّيت بالكلمه قبل ما جيب
وقول: هاي ستّي السنيوره
الغابت من الدنيا قبل ما غيب
عن موطني اللي كان اسطوره
عن ارز ما بيشيخ ما بيشيب
عندو مرور الدهر كسدوره
سافر عَ كوبا وغاب جدّي ديب
وبقيت لحالا.. تندر ندوره
والعمر يمرق ناطره مكاتيب
ومعيّشه العيله.. ومستوره
وقبل العياد؟. وظنّها ما يخيب
توصل رسالتها المنطوره!..
تتبَحبَح ومونة البيت تجيب
وتدفع اذا عليها شي فاتوره
مات جدّي بغربتو.. ونحيب
عاشت بقايا العمر مقهوره
يرحم ترابك شو اكلنا زبيب
ولوز من ديكي يا سنيوره
0 comments:
إرسال تعليق