انتي وانا بشي ليل سكرانين
والحب.. عازمنا على سهره
المازه عسل وتنين جوعانين
وليل العَسَل بيطَيِّب الخمره..
و تنين مطفيين.. مشتاقين
تغمريني وتطوَل الغمره
وتستر العتمه العشقانين
ولبعد بُكرا ما يجي بُكرا
ونرقص ونرقص متل لمجانين
تطلَع الصرخه وتهمد العكره !
طَيِّب البطيخ ع السكين..
يقطر عَسَل من شفتو الحمره
"من زمان عايش بالحلم..
مسكين !..
ع غَيبتِك.. عم عيش..
ع الذّكرى"
**
عيون الحبيب
جبت غمر ورود
وخاتم حلو لعيدِك
وبحب ما لو حدود
قلتلِّك: بريدِك
قدَّمتُن.. وموعود
تزهر مواعيدك
الورد استحى..
من خدود..
من شفافك وجيدك
وشفت الدهب محسود
بيغار من إيدِك
**
عيون الحبيب
جبت غمر ورود
وخاتم حلو لعيدِك
وبحب ما لو حدود
قلتلِّك: بريدِك
قدَّمتُن.. وموعود
تزهر مواعيدك
الورد استحى..
من خدود..
من شفافك وجيدك
وشفت الدهب محسود
بيغار من إيدِك
0 comments:
إرسال تعليق