حفيت خد الليل تاضوا
ولمعت جرن العتم من جوا
وطل الصبح عرقان وجو ضو
مسحتو بغيمي شاردي بالجو
صرخت الحبقه عالندي تروا
وبالجو تاري في قمر منحوت
سهران كل الليل ب بيروت
معلق ب ادنو ضجت الضحكي
فلتت الضحكي وما قدر يحكي
وعت الشمس وفيقت لِ بيوت
وبيروت حلم كبير عمرو عمر
خلقت بغفوة عين متل الخمر
وكبرت بحقلي زهرها صوان
عشقت الجنه تزوجت لبنان
وطلعو ولادا من حجار السمر
وحفيت خد الليل تاني ميل
لقيت المدى خيال من دون خَيل
وشفت السفر عامفرق الغربي
تارك وطن مطعون بالحربي
والحلم عّم يسكر بكاس الويل
وما عدت اقشع بالعتم لمعه
ولا خيط عّم يحرق قلب شمعه
ولا غيم ابيض بسما الأيام
حتى القمر قَلْي قبل ما ينام
بيروت صارت للوجع دمعه
0 comments:
إرسال تعليق