من امسية شعرية احييتها بدعوة من نادي الشبيبة "بيادر رشعين"اثناء احدى زياراتي للوطن،القصيدة التالية كانت افتتاحية الامسية.
لم من ارض لبنان هاجرنا
ووضع اللي بعدو فيه سَفَّرْنا
تركنا الحِما هجرنا الاهل والدار
وما كان يوم الشوق يهجرنا
ولا نكرنا موطن الاحرار
لولا الوطن لليوم ناكرنا..
ولا قدر فينا يغَيّر الدولار
ولا البعد عن لبنان غَيَّرْنا
ياما زرفنا عا الحنين جرار
وآخر دموع العين قطَّرنا
ضل فينا عايش التذكار
وتَ نعود عا لبنان يدفرنا
ما بعِد عن بالنا ولا نْهار
محل ال ربينا فيه وكبرنا
ومطعم الجسر ونبعنا الفوّار
لجلسة ومازة وكاس ناطرنا
ونقول:مهما طَوَّل المشوار
ومهما الغرب بالمال يطمرنا
الرجعة على لبنان مهما صار
هالحلم ما يفارق خواطرنا
بالهجر لما العمر نصّو طار
شباب رحنا وفيه ختيرنا
بقينا كأنّو بعدنا زوّار
ومتل الكأنّو اليوم دشّرنا
وضعنا وصيّة بمخزن الاسرار
فزعنا القدر هونيك يغدرنا
الموت لو بالهجر حكمو جار
نندفن ما فيه يجبرنا
جثّة بعتونا برفقة الطيّار
بدنا تراب الارز يغمرنا
مهما الغرب عَلّا وزاد عْمار
بيضل اعلا من البنا بكتير
شموخ الكرامة بِ"بيادرنا"
0 comments:
إرسال تعليق