سوريا يا بنت العرب
يلى العرب منك
بإيه يفيدك كلامى
واللى أتهدر دمك
صمتك بطعم الخيانة
مدبوحة من ابنك
ولو قتلنا الألم
ما نشيل كتير عنك
ولو فتحتى القلب
متلاقى غير همك
ودمه يجرى جرى
ما يروح غير يمك
***
رأيت الولد يا يخلق
يبيع فى لحم أمه
تجرى عليه تلعنه
ولصدرها تضمه
وهو زى الحجر
يهدم ولا يهمه
ما يهمه غير كرسيه
وتهون عليه أمه
تشكيله من همها
يسقيها من سمه
أدى الولد يا ناس
ملعون آبوا اسمه
,,,,,,,,,,,,,,,,,,,,
كلام بطعم الدم
لكن ملوش معنا
يعنى هو الدم
كان قادر يجمعنا
ولو وصفنا الهم
ما نوصف أوجعنا
ولو صرخنا الاَه
ما حد يسمعنا
والدمع يحفر خط
ف القلب يوجعنا
لو منفعتنا أيدينا
مين تانى ينفعنا
لو مفهمنا عنينا
مين اللى يفهمنا
خلاص مر الزمان
وإحنا بلا معنى
معاد فاضل لنا
غير آه بتوجعنا
....................
0 comments:
إرسال تعليق