في اول رسالة لوالدي رحمهما الله بعد وصولي الى استراليا في ايار عام 1969 كانت القصيدة التالية:
قولك يَمّي بعد بعود
وبيحن الدَّهر عليي
قولك برجع شم ورود
خدود الكلّا حنّيي؟
ويا بيي بعدك مَوعود
من صيداتي بفريي
وتوصّيني تَ البارود
ما رصّو بيفجر فيي؟
شوقي ليكن مالو حدود
وعن يتزايد يوميي
ولجنينة مرشد لحّود
ولصيدات الشاميي
وحد النهر الجلسة برود
نكايي بشوب الصيفيي
وغناني ودربكة وعود
وكم رفيق حواليي
والحلوة العينيها سود
ام شفاف الخمريي
تغمزني وتزت ورود
ومن لطويي للطويي
تتنقل حتى المحسود
تحمر عيونو شويي
متل بلادي مش موجود
مناخ وعيشة هنيي
مشتقلا سواحل وجرود
رسما بقلبي وعينيي
لا بد وما الله يجود
عليي وارجع كفي العمر
بضيعتنا اللبنانيي
0 comments:
إرسال تعليق