1
صدفه التقيتا ع غدا من جمعتين
ودار الحكي.. وتنينّا نسينا الغدا
ما عاد عنا جوع للاكل.. التنين
لما الحكي ع مشاكل الحب ابتدا
2
كل البيطلع من حبيبو عليه دين
قلبها المجروح.. يحكي ع الهدا
قصه طويله.. والحكايه؟ كلمتين
فل الحبيب وبالقلب باقي صدى
3
ترجف شفافا بالحكي.. والعينتين
هَدّو الدمع.. وبيعرفو بُعد المدى
قلبا طفل جاهز.. لأوّل خطوتين
بدّو شجاعه.. ويمسكو بإيدو حدا
وحجالها عم يندهو: الصياد وين
وحمرة شفافا ورد مشتاق الندى
0 comments:
إرسال تعليق