لكن ما بشّٓرنا بأٓفراحك
وديك للي بشّٓرنا بروميو مات
قلنا إلو إخرس بلا صياحك
لما على سيدني الكورونا جات
وكان الطعم يا روميو سلاحك
هيهات كان يساعدك هيهات
ونجّٓاك منها يا نسر ما كنت
تْشِدْ الرحيل وتطلق جناحك
ويا روميو بْعٓزِّي الشعرا فيك
وصوره بقلبي ذكر رح خلِّيك
وتا سايرٓك بْقْرا بدواوينك
وعا كل فكره لامعه بهنيك
كنّٓا بميزان الموهبه نزينك
وعا كل وزنه راجح نلاقيك
والكل صارو يعرفو مينك
لما من فنونك خمر داقو
وخمر الشعر كان الوحي يعطيك
وبعيد مار مخايل بآْيلول
دشّٓرتنا يا روميو عا طول
وبدها جنودو بالسما تلاقيك
وتوصّلٓك عا عرش ما بيزول
ومريم العذرا بْظلها تحميك
ونحنا سوى نصلّيلها ونقول
تعطي الصبر لولادك وتعطيك
ومفعول تعطي صلاتنا ولوما
طِعْم الكورونا ما عطي مفعول
الشاعر لمتلك تارك دواوين
شعر وأدب بيخلدوه سنين
ما بينسا ولا بيرحل من البال
خصوصي لْربح متلك رِضا الحلوين
وكانت عليك معلّقه لاءٓمال
ومحيّره في غيبتك مع مين
رح تلتقي وتجٓدِّد لاءٓحوال
وصارت دموع العاشقين عليك
بتفيض اكتر من نبع رشعين
0 comments:
إرسال تعليق