مسّي على ضيوفك ومسّيكي
من جْنيْنتي حبّيت لملم زاد
باقة ورود الشعر يهديكي
وصرت فتّش عا زهور جداد
شكّل فيا الباقه تا ترضيكي
وتحمل أماني الخير بالأعياد
وتقدير قلبي ونظرتي فيكي
ضلّوا الجمعتُن عن القيمه بعاد
عن قيمة جواهر دواليكي
أللـه يزيدك رونق وأمجاد
ومن كل شر الربّ يحميكي
من كم جمعه بصوتك الجوّاد
عليي تكرمتي بأغانيكي
إنتي و"ألكس" العازف المعتاد
ألحان حدّ الصوت يعطيكي
و"محمود" غنّى بالعتابا وجاد
عجزان كافيهن وكافيكي
انشالله بتبقي زينة الميلاد
وبفرحة ولادك عم نهنيكي
وتبقي براحة بال مع "ميلاد"
واللي بجمال الصوت غانيكي
يزين الدار بعجقة الأحفاد
انشالله السنه.. وميّة سنه تنعاد
وإنتي بخير وعز يا فيكي
ضلّوا الجمعتُن عن القيمه بعاد
عن قيمة جواهر دواليكي
أللـه يزيدك رونق وأمجاد
ومن كل شر الربّ يحميكي
من كم جمعه بصوتك الجوّاد
عليي تكرمتي بأغانيكي
إنتي و"ألكس" العازف المعتاد
ألحان حدّ الصوت يعطيكي
و"محمود" غنّى بالعتابا وجاد
عجزان كافيهن وكافيكي
انشالله بتبقي زينة الميلاد
وبفرحة ولادك عم نهنيكي
وتبقي براحة بال مع "ميلاد"
واللي بجمال الصوت غانيكي
يزين الدار بعجقة الأحفاد
انشالله السنه.. وميّة سنه تنعاد
وإنتي بخير وعز يا فيكي
0 comments:
إرسال تعليق