مساء امس 14 الجاري لبيت دعوة الدكتورة بهية ابو حمد الى عشاء ميلادي في صالونها الثقافي وكان موضوع السهرة ثلاث عمالقة من يلاد الارز غابوا الى دنيا الخلود وبقيت اعمالهم خالدة من بعدهم وهم الشاعر الكبير الدكتور سعيد عقل ، القنان الدكتنور وديع الصافي والظاهرة الفنية صباح فكان لي شرف القاء القصيدة التالية:
ما ماتو..
متل البلابل غَرَّدو.. وباتو
باقي عقل..
بقصايدو مْخَلَّد..
قصايدو اكبر من مْجَلَّد..
مليون شاعر.. بالدني يُولَد
لا بيقدر يجيه الوحي ذاتو
ولا الفلسفه .. تخْلَق بكلماتو..
ولا يْعَيِّش الكلمه.. بنبراتو
ولا تْنَوِّر الدَهْشِه..
بلمعاتو
غابو التلاته.. وبقيِت الصوره
نَقش الدهَب .. بالبال مَحفوره
بكل الدني..
مش بس ببلادي..
ما في حدا يشبَه "ابو فادي"
ول قَلَّدو شحرورة الوادي؟
بعاد..
عن صَوْتِك .. يا شحروره
غابو التلاته.. بس .. ما ماتو
باقي عفل..
خالد بأبياتو
وباقي وديع.. البلبل الشادي
غنانيه .. للآجيال زوّاده
باقبي..
بالحانو وبنغماتو
وبَعدا صباح..
العرس زَفّاتو...
غابو التلاته..
بس..
ما ماتو.
/ سيدني استراليا
0 comments:
إرسال تعليق