ختيار/ روميو عويس


في ذكرى ميلادي ال71

يا قلب صَدّقني صرت تعبان
الشمس نِعْسِتْ والفضا غْباشي
وودَّعت ايام الصبا من زْمان
ونَـتَّـر جْنون الهوى رياشي
هالكان ما يغفى انزوى دبلان
وتَلج الجرد بيضَل بفراشي
وبَعدو يا قلبي حلمك الفستان
ومرايـة الاحـلام غـشّـاشـي
شيّبتني وبعدك فتى جهلان
مغرور ناسي عمرك وماشي
بتنط من بستان عا بستان
طفل عم يركض ورا فراشي
ولكْ راح دَورَك .. قَفِّل الشاشي
**

CONVERSATION

0 comments:

إرسال تعليق